១៥​ម៉ឺន​ដុល្លារ ប្ដូរ​ក្រដាស​ប្រាក់​១០០​យ័ន​មួយ​សន្លឹក ក៏​មិន​ខ្ចី​ប្ដូរ​ដែរ!!!

ការបោះពុម្ពលុយ ជាដំណើរប្រព្រឹត្តទៅយ៉ាងល្អិតល្អន់ ដែលវាមិនងាយនឹងមានកំហុសខាងផ្នែកបច្ចេកទេសទេ ប៉ុន្តែទោះជាវាមិនងាយមានយ៉ាងណាក្ដី ឱកាសដ៏កម្រយ៉ាងណាក៏នៅតែអាចកើតឡើងដែរ ប៉ុន្តែបើវាកើតមានមែន វានឹងមិនមែនជាក្រដាសប្រាក់ធម្មតាទៀតទេ ដូចជាក្រដាស១០០យ័ននេះអញ្ចឹង ។

អ្នកខេត្ត Hubei ម្នាក់ រស់នៅក្នុងទីក្រុង Shiyan មានក្រដាសប្រាក់១០០យ័នមួយសន្លឹក ដែលមានលក្ខណៈពិសេសជាងក្រដាសប្រាក់ឯទៀត នោះគឺផ្នែកខាងលើ នៃខាងឆ្វេងក្រដាសប្រាក់ មានការបោះពុម្ពខុសបន្តិច ដោយមានស្នាមខាងក្នុង (watermark) ដាក់លេខ 300 វិញ ដែលជាធម្មតាវាត្រូវតែជាលេខ 100 ប៉ុណ្ណោះ ។

តែមកទល់ពេលនេះ ក្រដាសប្រាក់១០០យ័ននេះ ត្រូវអ្នកដទៃហ៊ានឲ្យតម្លៃដល់ទៅរាប់លានយ័ន ដើម្បីប្ដូរយកលុយដ៏កម្រនេះ ប៉ុន្តែត្រូវម្ចាស់លុយនេះ បដិសេធមិនទទួលយកលុយរាប់លានយ័ន ដើម្បីប្ដូរលុយ១០០យ័នរបស់លោកនេះទេ ។

គួរបញ្ជាក់ថា លុយ១០០យ័ននេះ ត្រូវអ្នកប្រមូលរូបិយប័ណ្ណឲ្យតម្លៃដល់ទៅរាប់លានយ័ន ប្រហែលនឹង១៥៣.៧០០ដុល្លារអាមេរិកឯណោះ ៕ (CCTV)

 

 

ប្រភព៖kKQqube