មន្ត្រីជាន់ខ្ពស់៖ មន្ត្រីអន្តរក្រសួងបង្ក្រាបអំពើជួញដូរមនុស្ស មិនទាន់មានកិច្ចសហការគ្នាល្អ
ភ្នំពេញ៖ មន្ត្រីជាន់ខ្ពស់ក្រសួងមហាផ្ទៃថា មកដល់ពេលនេះ ក្រុមការងារអន្តរក្រសួងនៃគណៈកម្មាធិការជាតិប្រយុទ្ធប្រឆាំងអំពើ ជួញដូរមនុស្ស នៅមិនទាន់មានកិច្ចសហការគ្នាល្អលើការងារផ្ដល់ព័ត៌មានឲ្យគ្នាទៅ វិញទៅមកលើការងារបង្ក្រាប ទប់ស្កាត់អំពើជួញដូរមនុស្ស ខណៈមានព័ត៌មានបទល្មើសជួញដូរមនុស្សភាគច្រើន គឺថ្នាក់ដឹកនាំបានដឹងលឿនតាមរយៈបណ្ដាញសារព័ត៌មានទៅវិញ។
នៅ ក្នុងកិច្ចប្រជុំក្រុមការងារជំនាញនៃគណៈកម្មាធិការជាតិប្រយុទ្ធ ប្រឆាំងអំពើជួញដូរមនុស្ស នាព្រឹកថ្ងៃទី៥ ខែឧសភា នៅទីស្ដីការក្រសួងមហាផ្ទៃ លោកជំទាវ ជូ ប៊ុអេង រដ្ឋលេខាធិការក្រសួងមហាផ្ទៃ មានប្រសាសន៍ថា ការផ្ដល់ព័ត៌មាន និងកិច្ចទំនាក់ទំនងគ្នានៃមន្ត្រីជំនាញនៅតាមបណ្ដាស្ថាប័នក្រសួង ពាក់ព័ន្ធ គឺនៅមានភាពចន្លោះ ប្រហោង ដែលការងារនេះលោកជំទាវបានស្នើឲ្យមន្ត្រីទទួលបន្ទុកនៅតាមបណ្ដា ក្រសួងស្ថាប័នពាក់ព័ន្ធ ត្រូវពង្រឹងការងារនេះវិញ ដើម្បីសម្រេចគោលដៅជួយបងប្អូនប្រជាពលរដ្ឋខ្មែរ ដែលបានរងគ្រោះពីការឆ្លងដែនទៅធ្វើការងារចំណាក ស្រុកទៅក្រៅប្រទេស និងនៅក្នុងស្រុក ក៏ជាការបាញ់បោកមេខ្យល់ជាដើម។
លោកជំទាវ ជូ ប៊ុនអេង ថាតួលេខដែលកងកម្លាំងមានសមត្ថកិច្ចបង្ក្រាប និងទប់ស្កាត់បាន វាគ្រាន់តែតួលេខដែលយើងធ្វើបានប៉ុណ្ណោះ ប៉ុន្តែនៅមានបងប្អូនប្រជាពលរដ្ឋខ្មែរជាច្រើនទៀត បានលួចធ្វើការងារចំណាកស្រុកទៅក្រៅប្រទេស ឆ្លងដែនច្រកទ្វារបៀង និងខ្លះទៀតឆ្លងដែនតាមច្រកទ្វារអន្តរជាតិ ហើយដាច់បាត់ការទាក់ទងនៅក្រៅប្រទេស ដែលយើងមិនដឹងច្បាស់ថាតើគេទាំងនោះជួបប្រឈមនឹងបញ្ហារងគ្រោះ អ្វីខ្លះទៀតនោះទេ ។
តាមរបាយការណ៍ឆមាសទី ១ឆ្នាំ២០១៦ ៖ លំហូរទេសន្តរ ប្រវេសក៍ការងារដែលទទួលបានពីតាមនាយកដ្ឋានជំនាញ តាមក្រសួងនានា បានកញ្ជាក់ថា មានប្រជាពលរដ្ឋខ្មែរទៅក្រៅប្រទេសសរុបជិត៣សែននាក់ក្នុងនោះ ទៅក្រៅស្របច្បាប់មានជាង១៥ម៉ឺននាក់ និងមិនស្របច្បាប់មានជិត១៤ម៉ឺននាក់ក្នុងនោះមានស្រីជិត៦ម៉ឺន នាក់ អនីតិជនជាង៥ពាន់នាក់ ហើយមានអ្នកត្រឡប់មកវិញមានប្រមាណតែជិត៣ម៉ឺន៥០០០នាក់ប៉ុណ្ណោះ។
ដោយឡែកសម្រាប់សកម្មភាពបង្ក្រាបអំពើជួញដូរ មនុស្សអនុវត្តបាន ១៧ករណីថយ៥ករណី ឃាត់ខ្លួនជន សង្ស័យ បាន២០នាក់ស្រី១១នាក់ក្នុងនោះដែរសមត្ថកិច្ចបានសង្គ្រោះជនរង គ្រោះបាន៤៣នាក់ ក្នុងនោះ២៥នាក់បញ្ជូនទៅមន្ទីរសង្គមកិច្ច ។
ប្រភព៖kqube
មន្ត្រីជាន់ខ្ពស់៖ មន្ត្រីអន្តរក្រសួងបង្ក្រាបអំពើជួញដូរមនុស្ស មិនទាន់មានកិច្ចសហការគ្នាល្អ
![មន្ត្រីជាន់ខ្ពស់៖ មន្ត្រីអន្តរក្រសួងបង្ក្រាបអំពើជួញដូរមនុស្ស មិនទាន់មានកិច្ចសហការគ្នាល្អ]()
Reviewed by Unknown
on
May 05, 2016
Rating:
No comments: