សង្គ្រោះជាតិនៅមិនទាន់ទទួលភ្លើងខៀវពីបក្សប្រជាជន
គណបក្សសង្គ្រោះជាតិ បានទាក់ទងសុំជួបជាមួយថ្នាក់ដឹកនាំរបស់គណបក្សប្រជាជនកម្ពុជា ក្នុងក្របខណ្ឌវប្បធម៌សន្ទនា។ ប៉ុន្តែសំណើ ដែលធ្វើឡើងដោយប្រធានស្តីទីគណបក្សប្រឆាំងនេះនៅមិនទាន់ទទួលបាន ការឆ្លើយតបពីគូភាគីនៅឡើយទេចំពោះស្ថានភាពនយោបាយក្តៅគគុកបែប នេះ។
រហូតមកដល់ពេលនេះ គណបក្សសង្គ្រោះជាតិនៅមិនទាន់ទទួលបានភ្លើងខៀវពីគណបក្សប្រជាជន កម្ពុជានៅឡើយទេ ចំពោះសំណើសុំជួបចរចា ដែលលោកកឹម សុខាប្រធានស្តីទីគណបក្សបានស្នើសុំជួបសមភាគី នៅក្នុងក្របខណ្ឌវប្បធម៌សន្ទនា។ ដៃគូរវប្បធម៌សន្ទនារបស់លោក កឹម សុខា គឺលោក ស ខេង ដែលជាប្រធានក្រុមតំណាងរាស្ត្រភាគច្រើន និងជាអនុប្រធានគណបក្សប្រជាជនកម្ពុជា។ លោកស ខេង មិនអាចសុំការអត្ថាធិប្បាយបាននោះទេចំពោះសំណើនេះ។ លោកសុខ ឥសាន អ្នកនាំពាក្យគណបក្សកាន់អំណាច បានបញ្ជាក់នៅពេលនេះគណបក្សនៅមិនទាន់ទទួលបានព័ត៌មានជាផ្លូវការ ណាមួយនោះទេ។ លោកថា ជំនួបនោះគឺគ្រាន់តែជាដំណឹងក្រៅផ្លូវការតែប៉ុណ្ណោះ។ គណបក្សទាំងពីរបានជួបគ្នាលើកចុងក្រោយកាលពីខែកុម្ភៈកន្លងទៅ ហើយបានសម្រេចបង្កើតការិយាល័យក្រុមតំណាងរាស្ត្រទាំងសងខាង និងលេខាធិការដ្ឋាន។ យ៉ាងណាក៏ដោយ លោក សុខ ឥសានថា គណបក្សប្រជាជននៅតែបើកចំហរចំពោះវប្បធម៌សន្ទនា ប៉ុន្តែបើគណបក្សប្រឆាំងលើកឡើងពីការដោះលែងសកម្មជនគណបក្សសង្គ្រោះ ជាតិ នោះគឺនឹងមិនអាចទៅរួចនោះទេ។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិ បានលើកឡើងថា គណបក្សសង្គ្រោះជាតិ តែងតែមានចេតនាចង់ដោះស្រាយបញ្ហានយោបាយ ដែលបានកើតឡើង។ នាពេលបច្ចុប្បន្ន តំណាងរាស្ត្រគណបក្សសង្គ្រោះជាតិតាំងពីសមាជិកធម្មតា រហូតដល់ប្រធានគណបក្ស ដែលកំពុងប្រឈមនឹងប្រព័ន្ធតុលាការ និងការចាប់ឃុំខ្លួននៅក្នុងនោះក៏មានដែរលោក សម រង្ស៊ី និងលោកកឹម សុខា និងតំណាងរាស្ត្រផ្សេងៗទៀត ដូចជាលោកអុំ សំអាន តំណាងរាស្ត្រដែលសកម្មពីបញ្ហាព្រំដែន។
លោករស់ រ៉ាវុធ អ្នកវិភាគស្ថានការនយោបាយនៅកម្ពុជាបានលើកឡើងថា គណបក្សទាំងពីរអាចជួបគ្នាបានលុះត្រាតែគណបក្សប្រឆាំងត្រូវបន្ថយ ការវាយប្រហារ ដោយពាក្យសំដីចំពោះបុគ្គល។ ក្រៅពីនោះដៃគូភាគីត្រូវបញ្ឈប់ការពឹងបរទេសដាក់សំពាធ និងការគោរពនីតិរដ្ឋដោយស្មើភាពទាំងអស់គ្នា។ ធ្វើដូចនេះទើបគណបក្សទាំងពីរអាចវិលទៅរកវប្បធម៌សន្ទនាវិញបាន៕
លោកយឹម សុវណ្ណ អ្នកនាំពាក្យគណបក្សសង្គ្រោះជាតិ បានលើកឡើងថា គណបក្សសង្គ្រោះជាតិ តែងតែមានចេតនាចង់ដោះស្រាយបញ្ហានយោបាយ ដែលបានកើតឡើង។ នាពេលបច្ចុប្បន្ន តំណាងរាស្ត្រគណបក្សសង្គ្រោះជាតិតាំងពីសមាជិកធម្មតា រហូតដល់ប្រធានគណបក្ស ដែលកំពុងប្រឈមនឹងប្រព័ន្ធតុលាការ និងការចាប់ឃុំខ្លួននៅក្នុងនោះក៏មានដែរលោក សម រង្ស៊ី និងលោកកឹម សុខា និងតំណាងរាស្ត្រផ្សេងៗទៀត ដូចជាលោកអុំ សំអាន តំណាងរាស្ត្រដែលសកម្មពីបញ្ហាព្រំដែន។
លោករស់ រ៉ាវុធ អ្នកវិភាគស្ថានការនយោបាយនៅកម្ពុជាបានលើកឡើងថា គណបក្សទាំងពីរអាចជួបគ្នាបានលុះត្រាតែគណបក្សប្រឆាំងត្រូវបន្ថយ ការវាយប្រហារ ដោយពាក្យសំដីចំពោះបុគ្គល។ ក្រៅពីនោះដៃគូភាគីត្រូវបញ្ឈប់ការពឹងបរទេសដាក់សំពាធ និងការគោរពនីតិរដ្ឋដោយស្មើភាពទាំងអស់គ្នា។ ធ្វើដូចនេះទើបគណបក្សទាំងពីរអាចវិលទៅរកវប្បធម៌សន្ទនាវិញបាន៕
ប្រភព៖ វិទ្យុបារំាង
សង្គ្រោះជាតិនៅមិនទាន់ទទួលភ្លើងខៀវពីបក្សប្រជាជន
![សង្គ្រោះជាតិនៅមិនទាន់ទទួលភ្លើងខៀវពីបក្សប្រជាជន]()
Reviewed by Unknown
on
May 05, 2016
Rating:
No comments: