រឿង សោភ័ណ្ឌ និងឡុង សុភី ជួបកីឡាករថៃលើកនេះស្ថិតក្នុងភាពមន្ទិលនៅឡើយ
រាជធានីភ្នំពេញ ៖ ការប្រកួតប្រដាល់វគ្គសន្សំពិន្ទុឈានទៅដណ្ដើមខ្សែក្រវាត់គោជល់នៅ លើសង្វៀនទូរទស្សន៍ស៊ីអិនស៊ី ថ្ងៃសៅរ៍ទី៧ ឧសភា ខាងមុខនេះ រឿង សោភ័ណ្ឌ មកពីក្លិបមកុដរាជសីហ៍និង ឡុង សុភី មកពីក្លិបសាលវ័ន្តកីឡា ដែលត្រូវជួបប្រកួតជាមួយកីឡាករថៃវគ្គសន្សំពិន្ទុលើកចុងក្រោយនេះ ស្ថិតក្នុងភាពមន្ទិលនៅឡើយទេ មិនទាន់ដឹងថា បានឡើងទៅវគ្គបន្តទៀត ឬអត់ ។
រឿង សោភ័ណ្ឌ ទោះបីប្រកួតបាន៣លើក ឈ្នះ២លើក ចាញ់១លើក ប៉ុន្តែមិនទាន់ច្បាស់ថា បានឡើងទៅប្រកួតនៅវគ្គបន្តទៀតនោះទេលើកលែងតែឈ្នះលើកនេះទើប មានឱកាស១០០ភាគរយ ។ ដូច្នេះ រឿង សោភ័ណ្ឌ ជួបកីឡាករថៃឈ្មោះផ្លាំងនុម លូកម៉ាខាមវ៉ាន លើកនេះ មិនអាចលេងសើចបានឡើយ ព្រោះកីឡាករថៃរូបនេះមិនត្រឹមតែមានផ្លែល្អទាំងព្រមទេ ថែមទាំងមានជំហរឹងមាំ និងមានប្រៀបតាំងពីកម្ពស់ឡើងទៅទៀតផង ។
ចំណែក ឡុង សុភី ដែលត្រូវជួបប្រកួតជាមួយកីឡាករថៃឈ្មោះ ហ្វាមីលី វិរិយៈហ្វាម លើកនេះ ស្ថិតក្នុងស្ថានភាពមួយដែលលំបាកបំផុត ព្រោះកីឡាកររូបនេះប្រកួតបាន៣លើក ចាញ់២លើក ឈ្នះ១លើក។ ដូច្នេះ សម្រាប់ការប្រកួតលើកនេះ បើទោះជា ឡុង សុភី ឈ្នះក៏មិនប្រាកដថា អាចឡើងទៅវគ្គបន្តទៀតបានដែរ គឺត្រូវរង់ចាំគណៈកម្មការបូកសរុបពិន្ទុមើលសិន ។
ចំណែកគូប្រកួតមិត្តភាពវិញ មានកីឡាករ សល់ អាម៉ា មកពីក្លិបកុសលកីឡា ជួបប្រកួតជាមួយកីឡាករ ផៃ គឹមហឿត មកពីក្លិបគីសែមានរិទ្ធ និងកីឡាករ វ៉ែន សុវត្ថិ មកពីក្លិបកងកេងខេត្តបាត់ដំបង ប្រកួតជាមួយកីឡាករ ឡន លឿប មកពីក្លិបកងពលតូចលេខ៧០ ៕


ប្រភព៖everyday
រឿង សោភ័ណ្ឌ ទោះបីប្រកួតបាន៣លើក ឈ្នះ២លើក ចាញ់១លើក ប៉ុន្តែមិនទាន់ច្បាស់ថា បានឡើងទៅប្រកួតនៅវគ្គបន្តទៀតនោះទេលើកលែងតែឈ្នះលើកនេះទើប មានឱកាស១០០ភាគរយ ។ ដូច្នេះ រឿង សោភ័ណ្ឌ ជួបកីឡាករថៃឈ្មោះផ្លាំងនុម លូកម៉ាខាមវ៉ាន លើកនេះ មិនអាចលេងសើចបានឡើយ ព្រោះកីឡាករថៃរូបនេះមិនត្រឹមតែមានផ្លែល្អទាំងព្រមទេ ថែមទាំងមានជំហរឹងមាំ និងមានប្រៀបតាំងពីកម្ពស់ឡើងទៅទៀតផង ។
ចំណែក ឡុង សុភី ដែលត្រូវជួបប្រកួតជាមួយកីឡាករថៃឈ្មោះ ហ្វាមីលី វិរិយៈហ្វាម លើកនេះ ស្ថិតក្នុងស្ថានភាពមួយដែលលំបាកបំផុត ព្រោះកីឡាកររូបនេះប្រកួតបាន៣លើក ចាញ់២លើក ឈ្នះ១លើក។ ដូច្នេះ សម្រាប់ការប្រកួតលើកនេះ បើទោះជា ឡុង សុភី ឈ្នះក៏មិនប្រាកដថា អាចឡើងទៅវគ្គបន្តទៀតបានដែរ គឺត្រូវរង់ចាំគណៈកម្មការបូកសរុបពិន្ទុមើលសិន ។
ចំណែកគូប្រកួតមិត្តភាពវិញ មានកីឡាករ សល់ អាម៉ា មកពីក្លិបកុសលកីឡា ជួបប្រកួតជាមួយកីឡាករ ផៃ គឹមហឿត មកពីក្លិបគីសែមានរិទ្ធ និងកីឡាករ វ៉ែន សុវត្ថិ មកពីក្លិបកងកេងខេត្តបាត់ដំបង ប្រកួតជាមួយកីឡាករ ឡន លឿប មកពីក្លិបកងពលតូចលេខ៧០ ៕


ប្រភព៖everyday
រឿង សោភ័ណ្ឌ និងឡុង សុភី ជួបកីឡាករថៃលើកនេះស្ថិតក្នុងភាពមន្ទិលនៅឡើយ
Reviewed by Unknown
on
May 04, 2016
Rating:
No comments: