លិខិតអ្នកអាន “នាងខ្ញុំរួមសិចជាមួយដៃគូ មិនសម្រើបទាល់តែសោះ”
នៅក្នុងទំព័រនេះយើងដកស្រង់ពីកង្វល់របស់ស្ត្រីជុំវិញបញ្ហាផ្លូវភេទ ដែលគាត់ស្នើសុំការពន្យល់ពីអ្នកជំនាញលើបញ្ហាសុខភាពផ្លូវភេទេ។
នាងខ្ញុំអាយុ២៨ឆ្នាំ ហើយបានរួមរស់ជាមួយដៃគូរបស់ខ្ញុំអស់រយៈពេល១២ឆ្នាំមកហើយ។ ពេលដែលយើងរួមសិច ខ្ញុំមិនមានសម្រើបទាល់តែសោះ ខ្ញុំមានអារម្មណ៍ថាពិបាក ហើយពេលខ្លះឈឺទាល់តែញ៉ាំស្រាមួយកែវពីរកែវទើបអាចរួមសិចបាន ស្ដាប់ទៅហាក់ដូចជាអាក្រក់ស្ដាប់បន្តិច ប៉ុន្តែខ្ញុំពិតជាមិនមានអារម្មណ៍នឹងសិចរបស់ពួកយើងទាល់តែសោះ។ គាត់បានសារភាពថា គាត់ជួយខ្លួនឯងរាល់ថ្ងៃ ព្រោះពួកយើងរួមសិចហាក់មិនចូលអារម្មណ៍នឹងគ្នា។ ពួកយើងទិញផ្ទះមួយ ហើយយើងមានគំរោងនឹងរៀបការ។ យើងនិយាយរឿងនេះជាញឹកញាប់ ដូច្នេះខ្ញុំត្រូវធ្វើអ្វីផ្សេងទៀតដើម្បីដោះស្រាយ។
ការឆ្លើយតប៖ ការដែលមនុស្សជួយខ្លួនឯង (សម្រេចកាមដោយខ្លួនឯង) ជារៀងរាល់ថ្ងៃមិនមែនជារឿងចម្លែកទេ សូម្បីតែនៅពេលពួកគេមានដៃគូរួមរស់ជាមួយគ្នាហើយក្ដី។ ដូច្នេះរឿងគាត់ជួយខ្លួនឯងមិនមែនជាក្ដីបារម្ភធំដុំសម្រាប់នាងទេ។ ប៉ុន្តែរឿងដែលសំខាន់នោះតើនាង ពិតជាចង់រៀបការជាមួយនឹងមនុស្សម្នាក់ដែលនាងមិនស្និទ្ធស្នាល និងគ្មានអារម្មណ៍ជាមួយមែនទេ? តើនាងពិតជាគិតថា នឹងត្រូវទទួលទានស្រាជារៀងរហូតដើម្បីអាចទ្រាំនឹងការរួមភេទដែលបង្កការឈឺចាប់មែនទេ?
ខ្ញុំស្នើអោយនាងគិតឡើងវិញពីស្ថានភាពរបស់នាង។ នាងត្រូវស្វែងរកចម្លើយ ចំពោះសំនួរដ៏សំខាន់នេះ។ តើហេតុអ្វីទើបការរួមសិចជាមួយដៃគូរបស់នាងមិនធ្វើអោយនាងមានអារម្មណ៍ស្រើបស្រាល?
ខ្ញុំយល់ដែលថា នេះអាចជាទំនាក់ទំនងតែមួយគត់សម្រាប់នាងដែលឈានដល់ការរួមសិច ប៉ុន្តែវាជារឿងដ៏សមហេតុផលដែលនាងត្រូវស្វែងរកដំណោះស្រាយដើម្បីភាពប្រសើរជាងនេះ។ អារម្មណ៍សិចដែលមានកម្រិតទាបរបស់នាង អាចដោយសារបញ្ហាសុខភាពរាងការ ឬផ្លូវចិត្តរបស់នាង ប្រសិនបើនាងពិតជាមានបញ្ហាសុខភាពមែន នាងត្រូវតែស្វែងរកការពិគ្រោះយោបល់និងព្យាបាលភ្លាម។
ការដែលទ្រាំនឹងការរួមសិចដែលមិនសោយសុខ បង្កការឈឺចាប់ ទោះការរួមសិចនោះគឺធ្វើឡើងជាមួយមនុស្សដែលនាងចូលចិត្តដោយសារតែហេតុផលផ្សេងក្ដី ក៏ទង្វើនេះគឺធ្វើអោយនាងបាក់ទឹកចិត្ត មានសម្ពាធផ្លូវចិត្ត និងតប់ប្រមល់ដែរ។ សូមកុំទ្រាំបែបនេះអោយសោះ។
ឆ្លើយតបដោយ៖ លោក Pamela Stephenson Connolly សាស្ត្រាចារ្យជំនាញលើបញ្ហាអសមត្ថភាពផ្លូវភេទ។
ប្រសិនបើអ្នកចង់បានដំបូន្មានពីលោក Pamela Stephenson Connolly លើបញ្ហាផ្លូវភេទ សូមផ្ញើសំនួរទៅកាន់ private.lives@theguardian.com ។ សូមសរសេរសំនួររបស់អ្នកក្នុងមែលកុំភ្ជាប់ឯកសារ៕
លិខិតអ្នកអាន “នាងខ្ញុំរួមសិចជាមួយដៃគូ មិនសម្រើបទាល់តែសោះ”
Reviewed by Unknown
on
October 15, 2016
Rating:
Reviewed by Unknown
on
October 15, 2016
Rating:
No comments: