ភាពយន្ត​ខ្មែរ​ទី​០១ ​ហ៊ាន​ចំណាយ​ឡាន​ទំនើប ​២​ គ្រឿង​តម្លៃ​ជិត​៤​ម៉ឺន​ដុល្លារ​

សិល្បៈ ៖ ក្នុងចំណោមខ្សែភាពយន្តខ្មែរជាច្រើន ដែលបង្ហាញវត្តមាននៅលើ ទីផ្សារនៅពេលកន្លងមក ទោះជាមានរឿងខ្លះបានប្រកាសចំណាយទុនផលិតអស់ ជាង២០ម៉ឺនដុល្លារក្ដី ប៉ុន្តែសម្រាប់ការចំណាយសម្ភារតម្លៃដែលមានតម្លៃថ្លៃសម្រាប់ថត ដូចជាការចំណាយរថយន្តទំនើបៗមិនទាន់មាននោះទេ។ ទើបតែនៅចុងឆ្នាំ២០១៦នេះផលិតកម្ម មហាហង្ស ជាផលិតកម្មទីមួយហើយដែលបានចំណាយរថយន្តទំនើបម៉ាក Lexus សេរី RX 330 តម្លៃជាង២ម៉ឺនដុល្លារ និង រថយន្តម៉ាក Prius តម្លៃជាងមួយម៉ឺនដុល្លារបុកកម្ទេចចោល ដើម្បីថតយកប្លង់ដ៏សំខាន់ក្នុងសាច់រឿង “បណ្ដឹងស្រីទាំងប្រាំ”។
ភាពយន្ត​ខ្មែរ​ទី​០១ ​ហ៊ាន​ចំណាយ​ឡាន​ទំនើប ​២​ គ្រឿង​តម្លៃ​ជិត​៤​ម៉ឺន​ដុល្លារ​ បុក​កម្ទេច​ចោល​ (មានវីដេអូ)

សិល្បៈ ៖ ក្នុងចំណោមខ្សែភាពយន្តខ្មែរជាច្រើន ដែលបង្ហាញវត្តមាននៅលើទីផ្សារនៅពេលកន្លងមក ទោះជាមានរឿងខ្លះបានប្រកាសចំណាយទុនផលិតអស់ជាង២០ម៉ឺនដុល្លារក្ដី ប៉ុន្តែសម្រាប់ការចំណាយសម្ភារតម្លៃដែលមានតម្លៃថ្លៃសម្រាប់ថត ដូចជាការចំណាយរថយន្តទំនើបៗមិនទាន់មាននោះទេ។ ទើបតែនៅចុងឆ្នាំ២០១៦នេះផលិតកម្ម មហាហង្ស ជាផលិតកម្មទីមួយហើយដែលបានចំណាយរថយន្តទំនើបម៉ាក Lexus សេរី RX 330 តម្លៃជាង២ម៉ឺនដុល្លារ និង រថយន្តម៉ាក Prius តម្លៃជាងមួយម៉ឺនដុល្លារបុកកម្ទេចចោល ដើម្បីថតយកប្លង់ដ៏សំខាន់ក្នុងសាច់រឿង “បណ្ដឹងស្រីទាំងប្រាំ”។

ពាក់ព័ន្ធព័ត៌មានផលិតខ្សែភាពយន្តខាងលើនេះលោក អ៊ិន សុភិន ចាងហ្វាងផលិតកម្ម មហាហង្ស បានផ្ដល់បទសម្ភាសន៍តាមទូរស័ព្ទជាមួយលោក តាន់ ចន្ថា អ្នកផលិតព័ត៌មាន kqube.net ថា ខ្សែភាពយន្តរឿង “បណ្ដឹងស្រីទាំងប្រាំ” ផលិតបញ្ចប់បានមួយរយភាគរយហើយ គឺរង់ចាំពេលចាក់បញ្ចាំងនៅថ្ងៃទី០៩ វិច្ឆិកា ចុងឆ្នាំនេះតែប៉ុណ្ណោះ។ លោកបន្តថា ភាពយន្តមួយនេះ គឺជាវណ្ណកម្មទី០១ ស្ថិតក្នុង Grade Aដែលមហាហង្សបានផលិតឡើង ដោយបានចំណាយពេលថត ៥ ខែ និងប្រើដើមទុនអស់ជាង១៥ម៉ឺនដុល្លារ។ ចាងហ្វាងកំពុងបោះ ជំហាន យ៉ាងជ្រៅក្នុងវិស័យ ឧស្សាហកម្មភាពយន្តរូបនេះបន្តថា រឿង “បណ្ដឹងស្រីទាំងប្រាំ “ ជាប្រភេទរឿង ស៊ើបអង្កេត ល្បិចកល និងភ័យរន្ធ ដែលផលិតឡើងយកគុណភាពល្អសម្រាប់នាំចូលទៅទីផ្សារក្រៅប្រទេស ដូច្នេះហើយទើបលោកជ្រើសយកអ្នកនិពន្ធ និងដឹកនាំដែលមានសមត្ថភាពខ្លាំង គឺលោកស្រី ពាន់ ភួងបុប្ផា និងតារាសម្ដែងល្បីលំដាប់ជួរមុខប្រចាំប្រទេស ប្រមាណជា៥០រូប ហើយនឹងជ្រើសរើសទីតាំងល្អៗ បូករួមការចំណាយរថយន្តទំនើបពីរគ្រឿងម៉ាក Lexus សេរី RX 330 តម្លៃជាង២ម៉ឺនដុល្លារ និង រថយន្តម៉ាក Prius តម្លៃជាងមួយម៉ឺនដុល្លារមកបុកកម្ទេច ដើម្បីថតយកប្លង់សំខាន់ក្នុងរឿងនេះថែមទៀត។លោក អ៊ិន សុភិន បន្តថា រឿង “បណ្ដឹងស្រីទាំងប្រាំ ” នេះក៏កំពុងចរចាជាមួយទីផ្សារក្រៅស្រុកជាច្រើនប្រទេសដូចជាសហរដ្ឋអាមេរិក ឡាវ ថៃ និងប្រទេសផ្សេងទៀតផងដែរហើយពេលខ្សែភាពយន្តហ្នឹងចាប់ផ្ដើមចាក់បញ្ចាំងលោកមាន ជំនឿចិត្តទទួលបានជោគជ័យខ្លាំងព្រោះរឿងនេះប្លែកដាច់ពីរឿងដែលធ្លាប់មាននៅលើទីផ្សារ ក្នុងស្រុក ហើយក៏បណ្ដុំដោយតារាសម្ដែងលំដាប់កំពូលប្រចាំប្រទេសផងដែរ ដូច្នេះហើយរឿងនេះប្រាកដជាមានអ្នកទិញសំបុត្រចូលទស្សនាច្រើនជាក់ជាមិនខាន៕

ប្រភពដោយ៖ Kqube