Google ​ចេញ Keyboard v5.0 ​អាប់ដេត​ថ្មី​​ពិសេស

Google ​ចេញ Keyboard v5.0 ​អាប់ដេត​ថ្មី​​ពិសេស ងាយស្រួល​ចុច​អក្សរ​​ដោយ​​ប្រើ​តែ​ដៃ​ម្ខាង​បានយ៉ាង​​ងាយស្រួល និង​រហ័ស
ក្ដារ​ចុច​អក្សរ​សម្រាប់​ទូរស័ព្ទ​របស់ Google ​ទើប​ត្រូវ​បាន​ធ្វើ​បច្ចុប្បន្នភាព​ថ្មី​រឹតតែ​ពិសេស​ជាង​មុន ដោយ​បាន​ភ្ជាប់​មក​នូវ​មុខងារ​ល្អៗ​មួយ​ចំនួន។ មុខងារ​ល្អ​បំផុត​មួយ​ក្នុង​នោះ គឺ​វា​មាន​នូវ​ទម្រង់​ចុច ដែល​អាច​ឱ្យ​គេ​ប្រើ​តែ​ដៃ​ម្ខាង​សម្រាប់​វាយអក្សរ​បាន​ងាយស្រួល និង​រហ័ស។
ទម្រង់​ប្រើប្រាស់​ក្ដារ​ចុច​ដោយ​ដៃ​តែ​ម្ខាង​នេះ នឹង​ផ្ដល់​ភាព​ងាយស្រួល​ដល់​អ្នក ហើយ​ក្នុង​ការ​ប្រើ​និមិត្ត​សញ្ញា​ពិសេស គឺ​គ្រាន់តែ​ចុច​ឱ្យ​យូរ​បន្តិច​វា​នឹង​ប្ដូរ​ទៅ​ជា​សញ្ញា​ដែល​អ្នក​ចង់​បាន ​ផ្សេងៗ។ លើសពី​នេះ អ្នក​ក៏​អាច​កំណត់​ទំហំ​ក្ដារ​ចុច​តាម​ចិត្ត ដើម្បី​មាន​ភាព​ងាយស្រួល​ប្រើប្រាស់​ផ្ទាល់​ខ្លួន​ផង​ដែរ ម្យ៉ាង​ក៏​អាស្រ័យ​ទៅ​តាម​ទំហំ​អេក្រង់​ស្មាតហ្វូន​ថែមទៀត។
Keyboard v5.0 របស់ Google ពិតជា​មាន​លក្ខណៈ ពិសេស​ផ្ដល់​ជម្រើស​ការ​ប្រើប្រាស់​និង​បទពិសោធន៍​ថ្មី​ សម្រាប់​អ្នក​ប្រើ ងាយស្រួល​ចុច និង​វាយ​បាន​រហ័ស ដោយ​ប្រើ​ដៃ​ម្ខាង​កាន់​សរសេរ​អក្សរ​ប៉ុណ្ណោះ។ ចំពោះ​ទម្រង់​និមិត្តសញ្ញា​ក៏​មាន​ការ​កែប្រែ​ប៊ូតុង​ថ្មី អម​ដោយ​ខ្ទង់​លេខ និង​រូប emoji ងាយស្រួល​ចុច​យក។ ចំណុច​លេចធ្លោ​មួយ​ទៀត​គឺ​នៅ​លើ​មុខងារ​ទស្សន៍ទាយ​ពាក្យ​ដែល​អ្នក​ចង់​សរសេរ និង gesture typing ដែល​ប្រើ​ការ​អូស​ម្រាម​ដៃ​រហ័ស​ពី​លើ​ក្ដារ​ចុច ដើម្បី​សរសេរ​អក្សរ​យ៉ាង​លឿន៕