វត្តមាន Desktop PC មានមុខងារប៉ះបញ្ជាពីក្រុមហ៊ុន ASUS មានលក្ខណៈកាន់តែសម្បូរបែប

ក្រុមហ៊ុន ASUS ទើបតែបានបង្ហាញ desktop PC​ ថ្មីរបស់ខ្លួនដែលមានការបំពាក់ និងភ្ជាប់មុខងារដ៏សម្បូរបែប។ desktop PC ថ្មីនេះត្រូវបានគេហៅថា ‘Zen AiO Z240ICGT’។ ‘Zen AiO Z240ICGT’ ត្រូវបានគេផលិតឡើងសម្រាប់បំពេញតម្រូវការអតិថិជន ជាពិសេសអ្នកគាំទ្រក្រុមហ៊ុន ASUS ដែលចង់បាន PC មានមុខងារសម្បូរបែប។ Zen AiO Z240ICGT’ ត្រូវបានរចនាឡើងមានអេក្រង់ទំហំ 23.8 អ៊ីង មានកម្រិតបង្ហាញ 3840 x 2160 ភិចសែល។ លើអេក្រង់ PC នេះ អ្នកអាចប៉ះបញ្ជាផ្ទាល់ជាមួយកម្រិតបង្ហាញ 4K មានលំដាប់ស្តង់ដារ    IPS។ លើ PC ផ្តល់ដំណើរការលឿនរហ័សទាន់ចិត្តជាមួយ អង្គប្រតិបត្តិការ Intel Core i7-6700T មានល្បឿន។ PC នេះ មានក្រាហ្វិកប្រភេទ GeForce GTX 960M ទំហំ 4GB។ PC នេះភ្ជាប់មកជាមួយអង្គផ្ទុក    ទិន្ន័យ hard drive ទំហំ 1TB រួមជាមួយរ៉េមទំហំ 16GB។លើ PC នេះមាន webcam ទំហំ 920,000​ភិចសែល និងមានមេម៉ូរ៉ី SD/SDHC/SDXC។ PC នេះផ្តល់មកជាមួយផតជាច្រើនដូចជាផត1x USB 2.0 t, 4x USB 3.0, 1x USB 3.1 Type-C t, 2x HDMI។ អ្នកអាចធ្វើការភ្ជាប់ជាមួយឧបករណ៍ផ្សេងទៀតដើម្បីផ្ទេរ និងបញ្ចូនទិន្ន័យបានយ៉ាងរហ័សទាន់ចិត្ត។​
ក្រុមហ៊ុននឹងបញ្ចេញលក់ PC នេះ ជាពិសេស PC នេះមានមុខងារ និងការបំពាក់សមត្ថភាពដែលអាចចរាចរលើទីផ្សារបានច្រើន។