គម្រោងអគារពាណិជ្ជកម្ម និងស្នាក់នៅកម្ពស់៥៥ជាន់ចាប់ផ្តើមបើកការសាងសង់
រាជធានីភ្នំពេញ ៖ គម្រោងអគារពាណិជ្ជកម្ម និងខុនដូ ដែលចំណាយទឹកប្រាក់ប្រមាណជាង៥៨០លានដុល្លារ និងមានកម្ពស់៥៥ជាន់ បានចាប់ផ្ដើមបើកការសាងសង់ជាផ្លូវការហើយដោយគ្រោងនឹងបញ្ចប់នៅ ឆ្នាំ២០២០ខាងមុខនេះ ។ អគារពាណិជ្ជកម្ម និងខុនដូនេះក្រោមការវិនិយោគរួមគ្នារវាងវិនិយោគិនក្នុងស្រុក និងវិនិយោគិនមកពីប្រទេសសិង្ហបុរី ។
លោកឧកញ៉ា សៀ រឹទ្ធី ប្រធានក្រុមប្រឹក្សា Worldbrige Land ដែលជាក្រុមហ៊ុនវិនិយោគទៅលើអគារទំនើបមួយនេះ បានមានប្រសាសន៍នៅក្នុងពិធីបើកការដ្ឋានសាងសង់ជាផ្លូវការកាលពី ថ្ងៃទី៣ ឧសភាថា ៖ « ដើម្បីរួមចំណែកជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចជាតិ ជាពិសេសវិស័យអចលនវត្ថុ ក្រុមហ៊ុនបាននិងកំពុងអនុវត្តនូវគម្រោងមួយចំនួន។ ជាក់ស្ដែងគម្រោង The Peak ដែលជាគម្រោងស្ថិតនៅក្រោមការអនុវត្តដោយក្រុមហ៊ុនក្នុងស្រុក និងក្រុមហ៊ុនមកពីសិង្ហបុរី ដែលមានបទពិសោធន៍ក្នុងវិស័យអចលនវត្ថុជាយូរមកហើយ ។ ក្រុមហ៊ុនធំៗទាំងពីរបានសម្រេចចិត្តបោះទុនវិនិយោគរួមគ្នា ដោយបោះទុនប្រមាណជា៥៨០លានដុល្លារអាមេរិកក្នុងការសាងសង់អគារ នានាតាមផែនការនៃគម្រោងដែលភាគហ៊ុនិកបានព្រមព្រៀងជាឯកច្ឆន្ទ » ។
លោកឧកញ៉ាបន្តថា ៖ «អគារដែលត្រូវបានសាងសង់នោះ គឺក្រោមការវិនិយោគរួមគ្នាដូចជា អគារភ្លោះកម្ពស់៥៥ជាន់ដ៏ប្រណីត និងសណ្ឋាគារ The Shangri La ដែលមានកេរ្តិ៍ឈ្មោះនៅលើពិភពលោកយូរមកហើយនោះបាន មកបោះទីតាំងមួយទៀតនៅប្រទេសកម្ពុជា ។ គម្រោងសាងសង់នោះ ក៏មានគម្រោងខុនដូ ដែលមានចំនួន១.០១៤យូនីត ស្ថិតនៅតំបន់សេដ្ឋកិច្ច និងទេសចរណ៍ ក្នុងសង្កាត់ទន្លេបាសាក់ ខណ្ឌចំការមន» ។
លោកឧកញ៉ាបញ្ជាក់ថា ៖ «គោលបំណងសំខាន់របស់លោកនាពេលនេះ គឺដើម្បីអភិវឌ្ឍន៍ប្រទេស និងលើកស្ទួយកិត្យានុភាពក្នុងវិស័យសំណង់ និងស្ថាបត្យកម្មនៅរាជធានីភ្នំពេញ ដែលជាទីក្រុងបេះដូងក្នុងរបបនយោបាយសេដ្ឋកិច្ច និងសង្គមកិច្ច» ។
លោក ឈីង គៀតវង់ ប្រធានអគ្គនាយក និងជានាយកប្រតិបត្តិនៃក្រុមហ៊ុន Oxley International Holding., Ltd បានមានប្រសាសន៍ថា ៖ «ខ្ញុំពិតជាមានមោទនភាពក្នុងការចាប់ដៃគូជាមួយក្រុមហ៊ុន Worldbrigde Land សាងសង់នូវអគារខ្ពស់មួយនេះ ។ Oxley គឺជាក្រុមហ៊ុនដែលមានបទពិសោធន៍ និងមានបច្ចេកវិទ្យាខ្ពស់ក្នុងវិស័យសំណង់នៅប្រទេសសាំងហ្គាពួរ និងប្រទេសផ្សេងទៀត ហើយនឹងនាំមកនូវបច្ចេកវិទ្យានោះមកកាន់ប្រទេសកម្ពុជា ដើម្បីអភិវឌ្ឍន៍កម្ពុជាឱ្យកាន់រីកចម្រើនជាបន្តបន្ទាប់ទៀត» ។
លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ៖ «វាជាកិច្ចសហប្រតិបត្តិការដ៏ល្អមួយដែលក្រុមហ៊ុនបរទេសបានសហការ ជាមួយក្រុមហ៊ុនក្នុងស្រុកក្នុងការអភិវឌ្ឍអគារដ៏ខ្ពស់នេះនៅ ព្រះរាជាណាចក្រកម្ពុជា ។ វាជាឱកាសដ៏មានសក្ដានុពលមួយរបស់ក្រុមហ៊ុនបរទេសក្នុងការវិនិយោគ នៅក្នុងប្រទេសយើង ហើយបើសិនជាការវិនិយោគនៅក្នុងប្រទេសយើងមិនកាក់កបទេនោះ ប្រហែលជាក្រុមហ៊ុនបរទេសមិនមកវិនិយោគនោះដែរ ។ ប្រទេសកម្ពុជាយើងមានស្ថានភាពនយោបាយ និងស្ថិរភាពដ៏រឹងមាំ ដែលធ្វើឱ្យបរិយាកាសវិនិយោគកាន់តែប្រសើរសម្រាប់វិនិយោគិនក្នុង និងក្រៅប្រទេស» ។
លោកបន្តថា ៖ «មួយរយៈចុងក្រោយនេះ ការអភិវឌ្ឍលើវិស័យសំណង់បានរីកចម្រើនគួរឱ្យកត់សម្គាល់ ។ ជាក់ស្ដែង តំបន់ដែលនឹងសាងសង់អគារខ្ពស់ The Peak នេះ កាលពីមុនជាតំបន់ដែលមិនសូវមានអ្នកណាហ៊ានចូលមកទេ ជាកន្លែងឆ្អេះឆ្អាប និងជាកន្លែងស្តុក តែពេលនេះបានប្រែក្លាយទៅជាតំបន់ដែលគួរឱ្យទាក់ទាញបំផុតសម្រាប់ ទេសចរណ៍ និងការអភិវឌ្ឍ» ។
លោកក៏បានផ្ដាំផ្ញើដល់អ្នកម៉ៅការសំណង់ ក៏ដូចជាម្ចាស់សំណង់ទាំងអស់ សូមឱ្យធ្វើទៅតាមបទដ្ឋានត្រឹមត្រូវដើម្បីបញ្ចៀសនូវគ្រោះថ្នាក់ ផ្សេងៗទាំងកម្មករ និងអ្នកធ្វើដំណើរតាមផ្លូវផងដែរ ។
គួរបញ្ជាក់ថា គម្រោង The Peak មានជាអគារជាខុនដូ និងអគារសណ្ឋាគារផ្កាយប្រាំ ឈ្មោះថា The Shangri-La រួមទាំងអគារការិយាល័យលក្ខណៈទំនើបផងដែរ ។ ក្នុងគម្រោង The Peak នេះដែរ ក៏មានផ្សារទំនើបសម្រាប់អ្នកស្នាក់នៅងាយស្រួលចេញចូល និងដើរកម្សាន្តទៀតផង ៕
ប្រភព៖everyday
លោកឧកញ៉ា សៀ រឹទ្ធី ប្រធានក្រុមប្រឹក្សា Worldbrige Land ដែលជាក្រុមហ៊ុនវិនិយោគទៅលើអគារទំនើបមួយនេះ បានមានប្រសាសន៍នៅក្នុងពិធីបើកការដ្ឋានសាងសង់ជាផ្លូវការកាលពី ថ្ងៃទី៣ ឧសភាថា ៖ « ដើម្បីរួមចំណែកជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចជាតិ ជាពិសេសវិស័យអចលនវត្ថុ ក្រុមហ៊ុនបាននិងកំពុងអនុវត្តនូវគម្រោងមួយចំនួន។ ជាក់ស្ដែងគម្រោង The Peak ដែលជាគម្រោងស្ថិតនៅក្រោមការអនុវត្តដោយក្រុមហ៊ុនក្នុងស្រុក និងក្រុមហ៊ុនមកពីសិង្ហបុរី ដែលមានបទពិសោធន៍ក្នុងវិស័យអចលនវត្ថុជាយូរមកហើយ ។ ក្រុមហ៊ុនធំៗទាំងពីរបានសម្រេចចិត្តបោះទុនវិនិយោគរួមគ្នា ដោយបោះទុនប្រមាណជា៥៨០លានដុល្លារអាមេរិកក្នុងការសាងសង់អគារ នានាតាមផែនការនៃគម្រោងដែលភាគហ៊ុនិកបានព្រមព្រៀងជាឯកច្ឆន្ទ » ។
លោកឧកញ៉ាបន្តថា ៖ «អគារដែលត្រូវបានសាងសង់នោះ គឺក្រោមការវិនិយោគរួមគ្នាដូចជា អគារភ្លោះកម្ពស់៥៥ជាន់ដ៏ប្រណីត និងសណ្ឋាគារ The Shangri La ដែលមានកេរ្តិ៍ឈ្មោះនៅលើពិភពលោកយូរមកហើយនោះបាន មកបោះទីតាំងមួយទៀតនៅប្រទេសកម្ពុជា ។ គម្រោងសាងសង់នោះ ក៏មានគម្រោងខុនដូ ដែលមានចំនួន១.០១៤យូនីត ស្ថិតនៅតំបន់សេដ្ឋកិច្ច និងទេសចរណ៍ ក្នុងសង្កាត់ទន្លេបាសាក់ ខណ្ឌចំការមន» ។
លោកឧកញ៉ាបញ្ជាក់ថា ៖ «គោលបំណងសំខាន់របស់លោកនាពេលនេះ គឺដើម្បីអភិវឌ្ឍន៍ប្រទេស និងលើកស្ទួយកិត្យានុភាពក្នុងវិស័យសំណង់ និងស្ថាបត្យកម្មនៅរាជធានីភ្នំពេញ ដែលជាទីក្រុងបេះដូងក្នុងរបបនយោបាយសេដ្ឋកិច្ច និងសង្គមកិច្ច» ។
លោក ឈីង គៀតវង់ ប្រធានអគ្គនាយក និងជានាយកប្រតិបត្តិនៃក្រុមហ៊ុន Oxley International Holding., Ltd បានមានប្រសាសន៍ថា ៖ «ខ្ញុំពិតជាមានមោទនភាពក្នុងការចាប់ដៃគូជាមួយក្រុមហ៊ុន Worldbrigde Land សាងសង់នូវអគារខ្ពស់មួយនេះ ។ Oxley គឺជាក្រុមហ៊ុនដែលមានបទពិសោធន៍ និងមានបច្ចេកវិទ្យាខ្ពស់ក្នុងវិស័យសំណង់នៅប្រទេសសាំងហ្គាពួរ និងប្រទេសផ្សេងទៀត ហើយនឹងនាំមកនូវបច្ចេកវិទ្យានោះមកកាន់ប្រទេសកម្ពុជា ដើម្បីអភិវឌ្ឍន៍កម្ពុជាឱ្យកាន់រីកចម្រើនជាបន្តបន្ទាប់ទៀត» ។
លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ៖ «វាជាកិច្ចសហប្រតិបត្តិការដ៏ល្អមួយដែលក្រុមហ៊ុនបរទេសបានសហការ ជាមួយក្រុមហ៊ុនក្នុងស្រុកក្នុងការអភិវឌ្ឍអគារដ៏ខ្ពស់នេះនៅ ព្រះរាជាណាចក្រកម្ពុជា ។ វាជាឱកាសដ៏មានសក្ដានុពលមួយរបស់ក្រុមហ៊ុនបរទេសក្នុងការវិនិយោគ នៅក្នុងប្រទេសយើង ហើយបើសិនជាការវិនិយោគនៅក្នុងប្រទេសយើងមិនកាក់កបទេនោះ ប្រហែលជាក្រុមហ៊ុនបរទេសមិនមកវិនិយោគនោះដែរ ។ ប្រទេសកម្ពុជាយើងមានស្ថានភាពនយោបាយ និងស្ថិរភាពដ៏រឹងមាំ ដែលធ្វើឱ្យបរិយាកាសវិនិយោគកាន់តែប្រសើរសម្រាប់វិនិយោគិនក្នុង និងក្រៅប្រទេស» ។
លោកបន្តថា ៖ «មួយរយៈចុងក្រោយនេះ ការអភិវឌ្ឍលើវិស័យសំណង់បានរីកចម្រើនគួរឱ្យកត់សម្គាល់ ។ ជាក់ស្ដែង តំបន់ដែលនឹងសាងសង់អគារខ្ពស់ The Peak នេះ កាលពីមុនជាតំបន់ដែលមិនសូវមានអ្នកណាហ៊ានចូលមកទេ ជាកន្លែងឆ្អេះឆ្អាប និងជាកន្លែងស្តុក តែពេលនេះបានប្រែក្លាយទៅជាតំបន់ដែលគួរឱ្យទាក់ទាញបំផុតសម្រាប់ ទេសចរណ៍ និងការអភិវឌ្ឍ» ។
លោកក៏បានផ្ដាំផ្ញើដល់អ្នកម៉ៅការសំណង់ ក៏ដូចជាម្ចាស់សំណង់ទាំងអស់ សូមឱ្យធ្វើទៅតាមបទដ្ឋានត្រឹមត្រូវដើម្បីបញ្ចៀសនូវគ្រោះថ្នាក់ ផ្សេងៗទាំងកម្មករ និងអ្នកធ្វើដំណើរតាមផ្លូវផងដែរ ។
គួរបញ្ជាក់ថា គម្រោង The Peak មានជាអគារជាខុនដូ និងអគារសណ្ឋាគារផ្កាយប្រាំ ឈ្មោះថា The Shangri-La រួមទាំងអគារការិយាល័យលក្ខណៈទំនើបផងដែរ ។ ក្នុងគម្រោង The Peak នេះដែរ ក៏មានផ្សារទំនើបសម្រាប់អ្នកស្នាក់នៅងាយស្រួលចេញចូល និងដើរកម្សាន្តទៀតផង ៕
ប្រភព៖everyday
គម្រោងអគារពាណិជ្ជកម្ម និងស្នាក់នៅកម្ពស់៥៥ជាន់ចាប់ផ្តើមបើកការសាងសង់
![គម្រោងអគារពាណិជ្ជកម្ម និងស្នាក់នៅកម្ពស់៥៥ជាន់ចាប់ផ្តើមបើកការសាងសង់]()
Reviewed by Unknown
on
May 03, 2016
Rating:
No comments: