ក្រុម​គ្រួសារ​កីឡាករ​ក្លិប Southampton​រួច​ផុត​ពី​ក្ដី​ស្លាប់​ក្នុង​ហេតុការណ៍​ភ្លើង​ឆេះ​ផ្ទះ

កីឡាករ​Sadio Mane​ខ្សែបម្រើ​ក្លិប Southampton ​ជា​ក្លិប​ល្បី​ក្នុង​ប្រឺ​មី​ញេ​លី​ក​អង់គ្លេស​បាន​សម្ដែង​ការ​តក់ស្លុត​ពី ​សុវត្ថិភាពសមាជិក​ក្រុម​គ្រួសារ​របស់​ខ្លួន​ក្រោយ​ពេល​ភ្លើង​ឆេះ​ផ្ទះ ប៉ុន្តែ​សំណាងល្អ​គ្មាន​នរណា​ម្នាក់​រងគ្រោះថ្នាក់​ឡើយ ។
ទីភ្នាក់ងារ​ព័ត៌មាន The Sun របស់​អង់​គេ្ល​ស​ផ្សាយ​ថា ខ្សែបម្រើ​អាយុ​២៤​ឆ្នាំ​រូប​នេះ​បាន​ធូរទ្រូង​វិញ​នៅ​ពេល​ដឹង​ថា ក្រុម​គ្រួសារ​រួច​ផុត​ពី​គ្រោះថ្នាក់​ទោះបីជា​ផ្ទះ​ដែល​ស្ថិត​នៅ​ភាគ​ ខាងត្បូង​សេ​ណេ​ហ្គា​ល់ ខូចខាត​ទាំងស្រុង​ដោយសារ​គ្រោះ​អគ្គិភ័យ​ក៏​ដោយ​។ ស្រប​ពេល​ជាមួយ​គ្នា​នេះ លោក​Ibrahima Toure ត្រូវជា​ឪពុកមា​កីឡាករ​រូប​នេះ​ឱ្យ​ដឹង​ថា ភ្លើង​បាន​បំផ្លិចបំផ្លាញ​ទ្រព្យសម្បត្តិ និង​ឯកសារ​របស់​Mane ទាំងអស់​ប៉ុន្តែ​គ្មាន​នរណា​ម្នាក់​រង​របួស​ទេ ព្រោះ​ពួក​គេ​រត់គេច​ខ្លួន​រួច​៕

 

 ប្រភព៖កោះសន្តិភាព