Facebook ជួយម្ដាយម្នាក់អោយរកឃើញកូនប្រុសរបស់គាត់វិញក្រោយបែកគ្នាអស់រយៈពេល៣៣ឆ្នាំ

ប្រទេសថៃ៖ លោកស្រី Wipawadee Thisorn អាយុ៥៤ឆ្នាំម្នាក់បានជិះឡានក្រុងរយៈពេល២ថ្ងៃទៅភាគខាងត្បូងនៃទីក្រុងបាងកកដើម្បីមកជួបជុំកូនប្រុសគាត់ដែលបានបែកគ្នាអស់រយៈពេល៣៣ឆ្នាំ។ កូនប្រុសរបស់គាត់ឈ្មោះ Prinya Thisorn អាយុ៣៦ឆ្នាំបានរង់ចាំម្ដាយរបស់គាត់នៅក្នុងស្ថានីយ៍ឡានក្រុងមួយកន្លែងដើម្បីរង់ចាំទទួលម្ដាយរបស់គាត់។ នៅពេលដែលម្ដាយគាត់បានដល់កូនប្រុសរូបនេះបានលត់ជង្គង់យំអោបម្ដាយដោយសារតែគាត់ពិតជានឹករលឹកម្ដាយរបស់គាត់ណាស់ដែលបានបែកគ្នាអស់រយៈពេល៣៣ឆ្នាំ។

គាត់បានបែកពីកូនគាត់កាលពីកូនគាត់មានអាយុ៣ឆ្នាំ ដោយសារតែមានជម្លោះក្នុងគ្រួសារហើយគាត់បានលែងលះប្ដីគាត់ធ្វើអោយទំនាក់ទំនងរវាងម្ដាយនិងកូនត្រូវកាត់ផ្ដាច់។ តាមសម្ដីរបស់កូនប្រុសអ្នកស្រី Wipawadee បាននិយាយថា ខ្ញុំពិតជាសប្បាយចិត្តខ្លាំងណាស់ដែលបានជួបម្ដាយរបស់ខ្ញុំវិញ ខ្ញុំគិតថាប្រហែលជាជាតិនេះខ្ញុំគ្មានឪកាសជួបគាត់ទៀតទេដោយសារតែខ្ញុំគិតថាគាត់ប្រហែលជាស្លាប់បាត់ហើយ តែទីបំផុតនៅថ្ងៃនេះខ្ញុំបានជួបម្ដាយខ្ញុំវិញ។ មូលហេតុដែលនាំអោយពួកគេជួបគ្នាវិញគឺដោយសារតែ បណ្ដាញសង្គមហ្វេកប៊ុកជាអ្នកជួយអោយពួកគាត់ជួបគ្នាវិញក្រោយបែកគ្នាអស់រយៈពេល៣៣ឆ្នាំ។