សុខ ស្រីនាង ធ្វើខ្លួនសាមញ្ញៗមែនពិត​ តែទទួលការចាប់អារម្មណ៍ខ្លាំង

ភ្នំពេញ៖ តារាចម្រៀងស្រីរាងស្តើងល្វតល្វន់ អ្នកនាង សុខ ស្រីនាង កំពុងតែទទួលបានការចាប់ អារម្មណ៍ខ្លាំង លើការតែងខ្លួនរបស់អ្នកនាង។ភាគច្រើនអ្នកគាំទ្រតែងសង្កេត ឃើញថា អ្នកនាង សុខ ស្រីនាង កម្រលេងខ្លួនស៊ិចស៊ី  លេចលើលេចក្រោម ដែលភាគច្រើន អ្នកនាងចូលចិត្តស្លៀកពាក់សាមញ្ញៗ មិនឆើតឆាយ ជាមួយនឹងអាវយឺត ឬសាច់ក្រណាត់ និងខោជើងវែងជាដើម។ក៏ដូចជា កាលពីប៉ុន្មានថ្ងៃមុននេះដែរ អ្នកមេម៉ាយរូបស្រស់រូបនេះ បានបង្ហាញសម្រស់លើកំពូលភ្នំបូកគោ ជាមួយនឹងការស្លៀកពាក់ បែបជាអាវវែង និងខោជើងវែងពណ៌ស ដូចគ្នាយ៉ាងធម្មតាបំផុត។ ប៉ុន្តែការស្លៀកពាក់បែបនេះ មិនបានធ្វើឲ្យអ្នកគាំទ្រមិនពេញចិត្តនោះទេ មានតែទទួលការចាប់អារម្មណ៍ខ្លាំង ជាជាងការស្លៀកពាក់ស៊ិចស៊ីទៅវិញ។  មិនតែប៉ុណ្ណោះ គ្រាន់តែរូបថត ២ទៅ ៣សន្លឹក ដែលអ្នកនាងបង្ហោះចូលក្នុងបណ្តាញសង្គមហ្វេសប៊ុក ត្រូវបានគេចុច Like និង Share ច្រើនសន្ធឹកសន្ធាប់ មិនគួរឲ្យជឿ៕
តោះមើលរូបថតស្អាតៗត្រជាក់ភ្នែក នៅឯភ្នំបូកគោ របស់អ្នកនាង សុខ ស្រីនាង ទាំងអស់គ្នា៖ 

 

ប្រភព៖ khmerload