មេត្តាជួយគាត់ផង! សក់បួងចូលម៉ាស៊ីន បកអស់ស្បែកក្បាល

រាជធានីភ្នំពេញ៖ ស្ត្រីម្នាក់បានរងរបួសក្បាលយ៉ាងធ្ងន់ធ្ងរ ត្រូវបានបញ្ចូនទៅកាន់មន្ទីរពេទ្យសង្គ្រោះភ្លាម ក្រោយពេលស្ត្រីរងគ្រោះបានបំពេញការងា ហើយភ្លាត់ស្នៀតធ្វើឲ្យសក់ក្បាលចូលម៉ាស៊ីនបកអស់ស្បែកក្បាលនៅសល់តែលលាដ៏។ ហេតុការណ៍ដ៏គួរឲ្យរន្ធត់នេះបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី០៧ ខែតុលា ឆ្នាំ២០១៦ នៅក្នុងរោងចក្រកាត់ស្បែកជើង យុីហោ ជូស្តា ដែលមានទីតាំងស្ថិតនៅនៅតាមផ្លូវបេតុង ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ស្ត្រីរងគ្រោះមានឈ្មោះ អុឹង ជីតា អាយុ ២១ឆ្នាំ មុខរបរកម្មកររោងចក្រជូស្តា ស្នាក់នៅផ្ទះជួល ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ មានស្រុកកំណើត ភូមិពាយនាយ ឃុំក្រាំងស្វាយ ស្រុកព្រះស្តេច ខេត្តព្រៃវែង។ ស្ត្រីរងគ្រោះបានរៀបរាប់ឲ្យដឹងថា មុនពេលកើតហេតុ រូបនាងកំពុងតែឈរកាត់បាតស្បែកជើងដូចសព្វដង ស្រាប់តែពេលនាងអោនរើសបាតស្បែកជើងនៅក្រោម ធ្វើឲ្យសក់នាងបួងចូលម៉ាស៊ីនកាត់ទាញចូល បណ្តាលឲ្យរបើកស្បែកក្បាលអស់សក់ នៅសល់តែលលាដ៏ក្បាល។
ក្រោយកើតហេតុ ស្ត្រីរងគ្រោះត្រូវបានកម្មករដូចគ្នាបញ្ចូនទៅកាន់មន្ទីរពេទ្យព្រះកុសុមៈ ដើម្បីសង្គ្រោះ ហើយពេលនេះស្ត្រីរងគ្រោះអំពាននាវដល់សប្បុរសជនឲ្យជួយ រូបនាង ដែលកំពុងតែខ្វះខាតថវិការព្យាបាលផង៕

 

ប្រភព៖  KhmerNote