ក្រុមហ៊ុន Xiaomi ចេញ Smartwatch ​សម្រាប់​ក្មេងៗ​

ក្រុមហ៊ុន Xiaomi ចេញ Smartwatch ​សម្រាប់​ក្មេងៗ​ពាក់ ងាយស្រួល​​ឱ្យ​អាណាព្យាបាល​​ឃ្លាំ​មើល​សុវត្ថិភាព​របស់​ពួក​គេ​
បច្ចុប្បន្ន​មនុស្សម្នា​បាន​ស្វែងរក​វិធីសាស្ត្រ​យ៉ាង​ណា​ឱ្យ​មាន​ភាព​ ងាយស្រួល​ក្នុង​ការ​តាម​មើល​កូន​តូចៗ​របស់​ពួកគេ ដូច្នេះ​ផលិតផល​ថ្មី​របស់​ក្រុមហ៊ុន Xiaomi នេះ​អាច​នឹង​ចាំបាច់​សម្រាប់​ទិសដៅ​ចង់​បាន​នេះ។ ក្រុមហ៊ុន​ទូរស័ព្ទ​ដែល​មាន​ស្នាក់ការ​នៅ​ប្រទេស​ចិន​នេះ បាន​ប្រកាស​ចេញ​នាឡិកា​ឆ្លាតវៃ​សម្រាប់​ក្មេងៗ​ពាក់ អម​មក​ជាមួយ​មុខងារ​ពិសេសៗ ហើយ​ក៏​អាច​ឱ្យ​អាណាព្យាបាល​តាមដាន​សកម្មភាព​របស់​ក្មេងៗ​ផង​ដែរ។
នាឡិកា​ទំនើប​របស់ Xiaomi មាន​ឈ្មោះ​ថា Mi Bunny Kids ​ដែល​ត្រូវ​បាន​បញ្ចូល​មុខងារ​ពិសេសៗ អាច​ធ្វើការ​កត់ត្រា​ដោយ​ស្វ័យប្រវត្តិ​នូវ​ព័ត៌មាន​ទីតាំង​ដែល​ក្មេងៗ​ ស្ថិត​នៅ។ កាន់តែ​ទំនើប​នោះ Smartwatch នេះ ថែមទាំង​អាច​ឱ្យ​ក្មេងៗ ​ជូន​ដំណឹង​ប្រាប់​ឪពុកម្ដាយ​របស់​គេ​នៅ​ពេល​មាន​អាសន្ន ឬ​គ្រោះថ្នាក់​អ្វី​មួយ ដែល​ត្រូវការ​ព័ត៌មាន​ទីតាំង​ចាប់​យក​ពី GPS និង​ជាច្រើន​ទៀត។
វែបសាយ MIUI បាន​ពន្យល់​​ថា៖ «​នាឡិកា Mi Bunny Kids គាំទ្រ​ការ​ចាប់​យក USB GPS និង​ប្រព័ន្ធ​ចាប់​ទីតាំង​ផ្កាយរណប Russian GLONASS ​អម​ជាមួយ​បណ្ដាញ Wi-Fi និង​មាន​ស៊ែនស័រ សរុប​ទៅ​គឺ​មាន​សញ្ញា​ទីតាំង​ចំនួន៥ ។ ឪពុកម្ដាយ​អាច​កំណត់​ប្រើ​កម្មវិធី​ទូរស័ព្ទ ដើម្បី​តាមដាន​ក្មេងៗ​លើ​ទីតាំង​ជាក់លាក់​មួយ ដូច​ជា​នៅ​សាលារៀន​ជា​ដើម ឬ​នៅ​ជុំវិញ​ផ្ទះ ឬ​ដំណើរ​ផ្លូវ​ចេញ​ពី​សាលា មក​ផ្ទះ ឬ​នៅ​ពេល​ក្មេងៗ​ទៅ​លេង​នៅ​ក្រៅ​ផ្ទះ នោះ​នឹង​មាន​សារ​ជូន​ដំណឹង​ដល់​ឪពុកម្ដាយ​​ភ្លាមៗ»។ ​ទោះ​ជា​ យ៉ាងណា ពេល​នេះ​ក្រុមហ៊ុន Xiaomi មិន​ទាន់​បញ្ជាក់​ពី​តម្លៃ និង​​ពេលវេលា​ដែល​នឹង​ដាក់​លក់​នាឡិកា​ទំនើប Mi Bunny Kids Watch នេះ​នៅ​ឡើយ៕
 
 
ប្រភព៖ thephnompenhtimes
ក្រុមហ៊ុន Xiaomi ចេញ Smartwatch ​សម្រាប់​ក្មេងៗ​ ក្រុមហ៊ុន Xiaomi ចេញ Smartwatch ​សម្រាប់​ក្មេងៗ​ Reviewed by Unknown on May 02, 2016 Rating: 5

No comments:

Flickr Widget

Powered by Blogger.