Leicester ​គ្រង​ជើង​ឯក​ Premier​ League​ រដូ​វ​កាល​នេះ​ហើយ

Tottenham ធ្វើ​បាន​ត្រឹម​ស្មើ​យប់​មិញ​នេះ​នៅ​ក្នុង​ទឹក​ដី​របស់ Chelsea មាន​ន័យ​ថា Leicester City គឺ​ជា​ម្ចាស់​ជើង​ឯក​លីក​កំពូល​របស់​អង់គ្លេស​នៅ​រដូវ​កាល​នេះ​ក្រោយ​ពី​ បង្ហាញ​ទម្រង់​​ដ៏​ល្អ​ពេញ​មួយ​រដូវ​កាល។
Leicester City បាន​គ្រង​ជើង​ឯក​ជា​លើក​ទី​មួយ​នៅ​ក្នុង​ប្រវត្តិសាស្ត្រ​របស់​ពួ​ក​គេ បន្ទាប់​ពី​ Tottenham មិន​អាច​ផ្ដួល​ Chelsea បាន​នៅ​យប់​មិញ​នេះ។
ក្រុម​ដែល​ឡើង​ជើង​ខ្លាំ​ង​នៅ​រដូវកាល​នេះ​​​ក៏​​អាច​​លើក​ពាន​បាន​ដែរ​ កាល​ពីប្រកួត​នៅ​ក្នុង​ទឹក​ដី Old Trafford ប៉ុន្តែ​ដោយ​សារ​លទ្ធផល​បាន​ត្រឹម​ 1-1 ដូច្នេះ​ហើយ​ទើប​ការ​លើក​ពាន​នេះ​ត្រូវ​ពន្យារ​ពេល​មួយ​ថ្ងៃ។
ទោះ​យ៉ាង​ណា​ពួក​គេ​ត្រូវ​ធ្វើ​ការ​អបអរ​នៅ​ថ្ងៃ​នេះ បើ​ទោះ​ជា​ Tottenham ទប់​ស្មើ​ Chelsea 2-2 ក៏​ដោយ ខណៈ​ពីរ​ប្រកួត​ចុង​ក្រោយ​មិន​មាន​ពិន្ទុ​គ្រប់គ្រាន់​សម្រាប់​តាម​ពួក​គេ​ នោះ​ទេ។
ក្រុម​របស់​លោក Claudio Ranien បាន​លើក​កំពូល​តារាង​ជា​លើក​ទី​មួយ​កាល​ពី​ថ្ងៃ​ទី​២១​វិច្ឆិកា ក្រោយ​ពី​ផ្ដួល​សិរិកា​ព្រៃ​ Newcastle Newcastle 3-0 ហើយ​​ពួក​គេ​មិន​ដែល​រអិល​ធ្លាក់​ផុត​ពី​ចំណាត់​ថ្នាក់​លេខ​៣​នោះ​ទេ។
ខណៈ​ដែល​ការ​ប្រកួត​រដូវកាល​នេះ​នៅ​សល់​ត្រឹម​២​ប្រកួត Leicester ធ្លាប់​ចាញ់​ត្រឹម​៣​ប្រកួត​ប៉ុណ្ណោះ​ ក្នុង​នោះ​គឺ​ចាញ់​កាំភ្លើង​ធំ Arsenal ២​លើក​ និង​ Liverpool ១​លើក កាល​ពី​ខែ​ធ្នូ។
កីឡាករ​លំដាប់​អន្តរជាតិ​របស់​អង់គ្លេស Jamie Vardy បាន​ដើរ​តួ​យ៉ាង​សំខាន់​នៅ​ក្នុង​យុទ្ធនាការ​ដ៏​ជោគជ័យ​នេះ ដោយ​រក​បាន​២២​គ្រាប់​នៅ​ក្នុង​ការ​ប្រកួត​២៤​លើក ហើយ​បាន​បំបែក​កំណត់​ត្រា​របស់ Ruud van Nistelrooy ដែល​ជា​កីឡារ​ស៊ុត​បញ្ចូល​ទី​១១​ប្រកួត​ជាប់​ៗ​គ្នា​នៅ Premier League។
Riyad Mahrez ក៏​ជា​កីឡាករ​សំខាន់​ដូច​គ្នា និង​ត្រូវ​បាន​បោះ​ឆ្នោត​ជា​កីឡាករ​ល្អ​របស់ PFA Player ប្រចាំ​រដូវកាល​សម្រាប់​ការ​លេង​ដ៏​ល្អ។
ខ្សែ​បម្រើ​កណ្ដាលសញ្ជាតិ​បារាំង N’Glolo Kante និង​ជម្រើស​ជាតិ​របស់ ចាម៉ៃកា Wes Morgan ក៏​បាន​ជាប់​ឈ្មោះ​ក្នុង​បញ្ជី​ក្រុម​របស់ PFA ប្រចាំ​ឆ្នាំ​ផង​ដែរ។
Leicester ទើប​តែ​មាន​ឈ្មោះ​ត្រលប់​មក​លេង​នៅ Premier League វិញ​​កាល​រដូវកាល 2013-2014 និង​បញ្ចប់​ទៅ​នៅ​ចំណាត់​ថ្នាក់​លេខ​១៤​ក្នុង​តារាង ដោយ​ឈ្នោះ​៧​ប្រកួត​ក្នុង​ចំណោម​៩​ប្រកួត​ចុង​ក្រោយ​ដើម្បី​គេច​ចេញ​ពី​ការ​ អោយ​ទៅ​លេង​នៅ​លីក​ក្រោម៕


ប្រភព៖ thephnompenhtimes